«Мұқағали- мәңгілік ғұмыр» әдеби сазды кеш

Бүгін Қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген , қара өлеңнің жілігін шағып, майын ішкен ақиық ақын, Хантәңірінің мұзбалағы, бір күндік сәуледей ағып өткен қазақ жырының шоқ жұлдызы- Мұқағали Мақатаевтың туған күніне орай Алматы қаласы, Әуезов ауданы №173 мектеп- лицейде «Мұқағали- мәңгілік ғұмыр»  атты әдеби сазды кеш өтті.  Мақсаты:  Мұқағали Мақатаевтың ақындық талантын  оқушыларға насихаттау, поэзия әлеміне, сөз өнеріне қызығушылықтарын арттыру болды. Кеште оқушылар ақын өлеңдерін мәнерлеп оқып, әндерін орындап,«Аққулар ұйықтағанда»  поэмасынан үзінді көрсетті.