«Ұша білген қанатқа дүние кең» атты дарынды және талантты оқушылардың және ұстаздардың жыл бойы жеткен жетістіктерімен марапаттау шеруі

Алматы қаласы, Әуезов ауданы №173 мектеп-лицейде  Биіктік- таланттар мен  қанаттылар  мекені. Биіктік пен кеңдікке қол жеткізе алатындар тек ұшқыр ой мен қанаты талмайтын дарын иелері ғана дей отырып «Ұша білген қанатқа дүние кең» атты дарынды және талантты оқушылардың және ұстаздардың жыл бойы жеткен жетістіктерімен марапаттау шеруі болып өтті.(аудандық,қалалық,республикалық, халықаралық пәндік олимпиадалар, ғылыми жоба,президенттік олимпиада,«Алтын сақа»,«Зерде»,«Алтынтүлек»,«Әл-Фараби 2023» олимпиадасы,«Шексіз математика», Абай, Әбіш, Мұқағали Ілияс, Мағжан оқулары, эссе, өнер, спорт) салалары бойынша жоғары нәтижеге қол жеткізген оқушылар мектеп-лицейдің намысын қорғап жүрген дарынды оқушылар түгел қамтылды.  Шерудің өтілуі оқушылардың оқуға деген құштарлығын арттыруда маңызы зор болды. Оның сыртында осындай  дарынды балалар тәрбиелеп, сенім мен қолдау көрсетіп отырған ата- аналарға алғыс жарияланды.   Шеру соңы 173 мектеп-лицей гимнін жариялау рәсіміне ұласты. Гимннің сөзі мен әнін жазу байқауына қатысқан шығармашыл оқушылар марапатталды. 7«ә»  сынып оқушысы Қуанышқызы Жансаяның жазған өлеңі үздік деп танылып,  ақшалай сыйлыққа ие болды.  Әнін музыка пәні мұғалімі Матбуса Шолпан Балтабайқызы жазды. №173 мектеп-лицей гимні құтты болсын! Алдағы уақытта гимн мектептің әртүрлі мерекелік іс-шараларында шырқалатын болады.